Azərbaycan xalqı Xocalı soyqırımının 32-ci ildönümü ilə əlaqədar soyqırımı qurbanlarının xatirəsini anmaq üçün Bakıda ucaldılmış “Ana harayı” abidəsini ziyarət edir.
“Report” xəbər verir ki, ziyalılar, ictimaiyyət nümayəndələri, habelə sıravi vətəndaşlar abidənin önünə gül dəstələri düzür, faciə qurbanlarının ruhuna dualar oxuyurlar.
Qeyd edək ki, Xocalı soyqırımından 32 il ötür. 1992-ci il fevralın 25-dən 26-na keçən gecə erməni silahlı dəstələri keçmiş sovet ordusunun Xankəndi şəhərində yerləşən 366-cı alayının iştirakı ilə Xocalı şəhərini yerlə-yeksan edib. Erməni təcavüzkarlarının Azərbaycan xalqına qarşı törətdiyi növbəti kütləvi qırğın nəticəsində 613 nəfər, o cümlədən 106 qadın, 63 uşaq, 70 qoca xüsusi amansızlıqla qətlə yetirilib, 1275 dinc sakin əsir götürülüb, 150 nəfərin taleyi isə hələ də məlum deyil. Bu soyqırımı aktı nəticəsində 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib.
Foto: Vüqar Xanlarov
![](https://static.report.az/photo/a1f6390a-324f-3072-90d4-fb422e9e54cb_300.jpg)
![](https://static.report.az/photo/af277d8e-935d-3fcd-a197-ad4c7f0d2d3d_300.jpg)
![](https://static.report.az/photo/11345c62-ad44-31b0-8615-d8f3eed3951d_300.jpg)
![](https://static.report.az/photo/ae1ea044-52d7-34de-8165-7a47c972e9cd_300.jpg)
![](https://static.report.az/photo/7e1ebe7b-a780-30c4-b3ec-bbc92f7b8dbe_300.jpg)
![](https://static.report.az/photo/fb680f03-0f96-3282-9716-cee5dd4bf09c_300.jpg)
![](https://static.report.az/photo/414ebb63-52d6-3729-a03f-505b4e7a4a0c_300.jpg)