Azərbaycan Prezidentinin sədrliyi ilə Nazirlər Kabinetinin iclası keçirilib

Bakı. 13 iyul. REPORT.AZ/ İyulun 13-də Azərbaycan Prezidenti İlham Əliyevin sədrliyi ilə Nazirlər Kabinetinin 2015-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclası keçirilib.

"Report" xəbər verir ki, dövlət başçısı iclası giriş nitqi ilə açıb.

Sonra maliyyə naziri Samir Şərifov, rabitə və yüksək texnologiyalar naziri Əli Abbasov, əmək və əhalinin sosial müdafiəsi naziri Səlim Müslümov ilin altı ayının yekunlarına dair məruzələrlə çıxış ediblər.

Prezident İlham Əliyev iclasda yekun nitqi söyləyib.