Azərbaycan gəncləri “Türk şəhidliyi” abidəsini ziyarət ediblər

Azərbaycan gəncləri “Türk şəhidliyi” abidəsini ziyarət ediblər Gənclər təşkilatlarının nümayəndələri Bakının antiazərbaycan diktaturasının və erməni quldur daşnak dəstələrinin hakimiyyətindən azad edilməsinin 101-ci ildönümünü Şəhidlər xiyabanında, Qafqaz İslam Ordusu sıralarında Azərbaycanın azadlığı uğrunda şəhid olmuş əsgərlərin xatirəsinə ucaldılmış abidənin önündə qeyd ediblər.
Daxili siyasət
15 Sentyabr , 2019 14:19
Azərbaycan gəncləri “Türk şəhidliyi” abidəsini ziyarət ediblər

Gənclər təşkilatlarının nümayəndələri Bakının antiazərbaycan diktaturasının və erməni quldur daşnak dəstələrinin hakimiyyətindən azad edilməsinin 101-ci ildönümünü Şəhidlər xiyabanında, Qafqaz İslam Ordusu sıralarında Azərbaycanın azadlığı uğrunda şəhid olmuş əsgərlərin xatirəsinə ucaldılmış abidənin önündə qeyd ediblər.

“Report” xəbər verir ki, gənclər əvvəlcə torpaqlarımızın azadlığı uğrunda canlarını fəda etmiş qəhrəmanların xatirəsini bir dəqiqəlik sükitla ehtiramla yad edib, abidənin önünə əklil və gül dəstələri düzüblər.

Mətbuata müsahibəsində Yeni Azərbaycan Partiyası Gənclər Birliyinin sədri Seymur Orucov, Azərbaycan Respublikası Gənclər Təşkilatları Milli Şurasının sədri Məryam Məcidova, İRƏLİ İctimai Birliyinin sədri Mirhəsən Seyidov bu günün xalqımızın və dövlətimizin tarixindəki yerindən danışıb, Bakının və bütünlükdə Azərbaycanın azadlığı, xalqımızın müstəqilliyi, ölkəmizin ərazi bütövlüyü uğrunda canlarını fəda etmiş qəhrəmanların xatirəsinin həmişə xalqımız tərəfindən ehtiramla yad edildiyini, sovet təbliğatının bütün cəhdlərinə baxmayaraq onların heç vaxt unudulmadığını qeyd ediblər. Ulu öndərin “Bir millət, iki dövlət” fikrini xatırladan natiqlər, bu gün qeyd etdiyimiz əlamətdar tarixin bunun ən bariz nümunələrindən biri olduğunu vurğulayıblar.

Gənclər bu gün Azərbaycan gəncinin qüdrətli, firavan və sabit ölkədə yaşadığını bildirmiş və buna görə Azərbaycan gəncləri adından cənab Prezident İlham Əliyevə təşəkkür ediblər.

Son xəbərlər

Orphus sistemi