Azad olunmuş Ağdamda 4, Xocalıda 3 seçki məntəqəsi formalaşdırılıb

118 saylı Ağdam-Xocalı Seçki Dairəsinin yeddi seçki məntəqəsi azad olunmuş ərazilərdə qurulub.

Bu barədə "Report"un Qarabağa ezam olunmuş müxbirinə dairədən məlumat verilib.

Bildirilib ki, azad olunmuş Ağdamda 4, Xocalıda 3 seçki məntəqəsi formalaşdırılıb:

"Ağdam və Xocalıda hər birində daha bir məntəqə builki parlament seçkiləri ilə bağlı yaradılıb".

Qeyd edək ki, sentyabrın 1-də Milli Məclisə növbədənkənar seçkilər keçiriləcək.

Foto: Vüqar Xanlarov