Yuxarı
    Bağlamaq

    ​AXCP-nin qurultaya görə ödəyəcəyi pulun məbləği açıqlanıb

    Partiya Səttar Bəhlulzadə adına Mədəniyyət Sarayının rəhbərliyi ilə müqavilə bağlayıb

    Bakı. 18 sentyabr. REPORT.AZ/ "Qurultaya Hazırlıq üzrə Təşkilat Komitəsinin iclasları yekunlaşmaq üzrədir. Bir neçə rayon təşkilatında toplantılar keçirilməyib. Həmin yerli şöbələrdə də işlər bu həftənin sonuna qədər başa çatacaq".

    Bunu "Report"a açıqlamasında Azərbaycan Xalq Cəbhəsi Partiyası (AXCP) Ali Məclisinin sədri Həsən Kərimov deyib.

    Onun sözlərinə görə, indiyədək qurultaya 400-ə yaxın nümayəndə seçilib.

    H.Kərimov bildirib ki, qurultayın keçirilməsi üçün Əmircan qəsəbəsində yerləşən Səttar Bəhlulzadə adına Mədəniyyət Sarayının rəhbərliyi ilə müqavilə bağlayıblar: "Qurultayın keçirilməsi üçün Mədəniyyət Sarayının rəhbərliyinə hər saata görə 220 manat ödəyəcəyik. Zal qurultayın keçirilməsi üçün hazırlanır".

    Qeyd edək ki, sentyabrın 27-də AXCP-nin VI (IX) qurultayı keçiriləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi