Yuxarı
    Bağlamaq

    Auditorlar Palatası siyasi partiyalara müraciət edib

    Palata hər bir sorğunu cavablandırmağa hazır olduğunu bəyan edib

    Bakı. 7 fevral. REPORT.AZ/ Azərbaycan Auditorlar Palatası bir sıra kommersiya və qeyri-kommersiya qurumlarına, o cümlədən siyasi partiyalara 2016-cı il üzrə maliyyə (mühasibat) hesabatlarının hazırlanması ilə bağlı çağırış edib.

    "Report"un xəbərinə görə, Palata ölkədə həyata keçirilən iqtisadi islahatların mühüm istiqaməti olan şəffaflığın artırılmasında siyasi partiyaları fəal iştirak etməyə və bu məqsədlə müstəqil auditorların xidmətlərin istifadə etməyə çağırır.

    Auditorlar Palatası bu istiqamətdə hər bir sorğunu cavablandırmağa və müvafiq dəstək göstərməyə hazır olduğunu bəyan edib. Qanunvericiliyin tələblərinə uyğun olaraq, siyasi partiyalar 2016-cı il üzrə maliyyə (mühasibat) hesabatlarının düzgünlüyünü auditor rəyi təsdiq etməlidir.

    Qeyd edək ki, qanunvericilikdə tələb olunan qaydada auditdən keçməməyə görə İnzibati Xətalar Məcəlləsinin 464-cü maddəsi ilə (vəzifəli şəxslər 3 yüz manatdan 6 yüz manatadək məbləğdə, hüquqi şəxslər 1500 manatdan 2 min beş yüz manatadək məbləğdə cərimə edilir) inzibati məsuliyyətə cəlb olunma nəzərdə tutulub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi