Anar Bağırov: “Formal vəkilliklə məşğul olan bir neçə vəkil intizam tənbehi tədbirinə cəlb olunub”

“Azərbaycanda vəkillik sahəsindəki ən böyük problemlərdən biri formal vəkillik məsələsidir”.

“Report” xəbər verir ki, bunu Vəkillər Kollegiyası Rəyasət Heyətinin sədri Anar Bağırov jurnalistlərə açıqlamasında deyib.

Onun sözlərinə görə, kollegiya formal vəkillik problemi ilə mübarizə aparır: “Bununla bağlı bir neçə vəkil barədə intizam icraatı başlanılıb. Artıq intizam tənbehinə cəlb olunan vəkillər də var”.

A.Bağırov hesab edir ki, formallıq heç bir halda qəbul olunmamalı və sözügedən problemlə bağlı mübarizə genişləndirilməlidir.