MSK-nın sədr müavini: "119 seçki dairəsi üzrə 1 000 vebkamera quraşdırılıb"

“Azərbaycanda məntəqələrin təxminən 20 faizə qədərində, yəni 1 000 məntəqədə vebkamera quraşdırılıb”.

"Report" xəbər verir ki, bunu Mərkəzi Seçki Komissiyasının (MSK) sədr müavini Rövzət Qasımov MSK-nın bu gün keçirilən iclasında deyib.

MSK sədrinin müavini qeyd edib ki, vebkameraların yoxlanılması, hazır vəziyyətə gətirilməsi başa çatdırılıb:

“Bununla bağlı texniki və digər işlər görülüb”.

O bildirib ki, 119 seçki dairəsi üzrə 1 000 vebkamera quraşdırılıb.

İclasda vebkamera qoyulan məntəqələrin siyahısının dərc edilməsi ilə bağlı qərar qəbul edilib.