Rusiya Azərbaycan və Ermənistan prezidentləri arasında görüş təşkil etməyə çalışır

Bakı. 17 iyul. REPORT.AZ/ Rusiya bu ilin sonuna qədər Azərbaycan və Ermənistan prezidentləri İlham Əliyev və Serj Sarqsyan arasında görüş təşkil etməyə çalışır.

"Report"un "İzvestiya"ya istinadən verdiyi məlumata görə, bu barədə Rusiya Xarici İşlər Nazirliyindəki mənbə bildirib.

Mənbənin sözlərinə görə, bu prosesdə yalnız Rusiya iştirak edir.

"Fransızlar Bakı və İrəvanı danışıqlar masası arxasında oturtmaq istəyiblər, amma bunun heç bir xeyri olmadı. Bu arada dialoqun dəstəklənməsi prinsipial əhəmiyyət daşıyır. Məhz bunun sayəsində regionda tammiqyaslı müharibə baş vermədi. Lakin yenə də tərəflərin məqsəd və baxışları müxtəlifdir", - Rusiya XİN-dəki mənbə bildirib.