Yuxarı
    Bağlamaq

    Piter Semnebi: "Qarabağ münaqişəsinin həll edilməməsi regionun bütün ölkələrinin inkişafına mane olur"

    Tezliklə bu münaqişənin həllində irəliləyiş olacağına ümid edirəm
    © Report.az

    Bakı. 17 mart. REPORT.AZ/ Dağlıq Qarabağ münaqişəsinin həll edilməməsi regionun bütün ölkələrinin inkişafına mane olur.

    "Report" xəbər verir ki, bu barədə jurnalistlərə açıqlamasında Avropa İttifaqının Cənubi Qafqaz üzrə keçmiş xüsusi nümayəndəsi Piter Semnebi bildirib.

    "Dağlıq Qarabağ prosesinin öyrənilməsinə çox vaxt sərf etmişəm. İnsanlarla görüşüb böhrandan çıxış yolu axtarmışam. Tezliklə bu münaqişənin həllində irəliləyiş olacağına səmimi qəlbdən ümid edirəm", - deyə P.Semnebi deyib.

    Onun sözlərinə görə, Dağlıq Qarabağ münaqişəsinin həlli yalnız Azərbaycan üçün, həm də bütün region üçün vacibdir: "Qarabağ münaqişəsinin həll edilməməsi regionun bütün ölkələrinin inkişafına mane olur".

    "Hesab edirəm ki, Qarabağ münaqişəsi diqqətəlayiqdir. Münaqişəni, iştirakçılarını, tərəflərin maraqlarını yaxşı bilirəm. Məncə, münaqişənin həlli bütün tərəflər üçün faydalı olacaq", - keçmiş diplomat vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi