Yuxarı
    Bağlamaq

    Müdafiə Nazirliyi: Cəbhədə gərginliyin səbəbkarı birbaşa Ermənistanın məsuliyyətsiz və cinayətkar rəhbərliyidir

    Erməni tərəfi verdiyi xeyli sayda itkilərə haqq qazandırmaq məqsədilə bizim guya itki verməyimiz barədə şişirdilmiş və yalan xəbərlər yayır

    Bakı. 18 dekabr. REPORT.AZ/ "Cəbhədə davam edən gərginliyin səbəbkarı birbaşa Ermənistanın məsuliyyətsiz və cinayətkar rəhbərliyidir".

    "Report"un məlumatına görə, bu barədə Müdafiə Nazirliyinin mətbuat xidmətindən Ermənistan saytlarının Azərbaycan Ordusunun itkiləri barədə yaydığı xəbərlərlə əlaqədar bildiriblər.

    Qeyd edilib ki, qoşunların təmas xəttində düşmənin fəallığının qarşısı Azərbaycan əsgərinin qabaqlayıcı tədbirləri və gücü hesabına qətiyyətlə alınır. Erməni tərəfi verdiyi xeyli sayda itkilərə haqq qazandırmaq məqsədilə bizim guya itki verməyimiz barədə şişirdilmiş və yalan xəbərlər yayır.

    “Cəbhədəki vəziyyət barədə gündəlik, itkilərilərimiz haqqında isə dəqiq və vaxtında məlumatlar tərəfimizdən ictimaiyyətə çatdırılır. Hazırda əməliyyat şəraiti bölmələrimizin nəzarəti altındadır və cinayəkar rejimin silahlı birləşmələri işğal olunmuş torpaqlarımızdan tam çıxarılanadək onlara qarşı lazım olan bütün ciddi tədbirlər görüləcək”, - Müdafiə Nazirliyinin məlumatında bildirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi