Azərbaycan MN: Ermənistan növbəti dəfə döyüş PUA-dan istifadə edib

Bakı. 22 iyun. REPORT.AZ/ Ermənistan silahlı qüvvələri cəbhə xəttində Silahlı Qüvvələrimizin bölmələrinə qarşı növbəti dəfə döyüş pilotsuz uçuş aparatlarından (PUA) istifadə edib. 

Bu barədə "Report"a Azərbaycan Müdafiə Nazirliyinin mətbuat xidmətindən məlumat verilib.

Nazirlikdən bildirilib ki, tətbiq edilən bu döyüş PUA-ları aşağı keyfiyyətli olduğundan Silahlı Qüvvələrimizin bölmələrinə heç bir ziyan vurmayıb.

Azərbaycan Müdafiə Nazirliyi bəyan edir ki, görüləcək adekvat tədbirlər düşmən üçün sarsıdıcı olacaq.