Yuxarı

Zakir Həsənov:“Bölgədəki münaqişələr sülh yolu ilə həll olunmalıdır”

Zakir Həsənov:“Bölgədəki münaqişələr sülh yolu ilə həll olunmalıdır”

“Bölgədə mövcud olan münaqişələr beynəlxalq hüquq çərçivəsində və ölkələrin ərazi bütövlüyü prinsipləri əsasında sülh yolu ilə həll olunmalıdır”.

“Report”un yerli bürosu xəbər verir ki, bu barədə Azərbaycanın Müdafiə naziri, general-polkovnik Zakir Həsənov Gürcüstan parlamentinin sədri Arçil Talakvadze ilə keçirdiyi görüşdə bildirib.

Spiker müdafiə nazirinə Gürcüstanın işğal altında olan ərazilərindəki vəziyyət barədə məlumat verib.

Görüşdə Gürcüstan və Azərbaycan arasında tarixi dostluq və strateji tərəfdaşlıq münasibətləri qeyd olunub.

Tərəflər parlamentlərarası əlaqələrin dərinləşdirilməsi və qarşılıqlı səfərlərin intensivləşdirilməsinin əhəmiyyətini vurğulayıblar.

Görüşdə sektoral əməkdaşlıq istiqamətləri müzakirə olunub, müdafiə və hərbi təhsil, energetika və nəqliyyat sahələrində əlaqələrin möhkəmləndirilməsi məsələsinə xüsusi diqqət ayırılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi