“Bu gün ilk dəfə cəbhə bölgəsindəki kəndlərinizdə olduq, yerli sakinlərin dağılmış evlərini gördük, dinc sakinlərlə söhbət etdik. Əlbəttə, bütün bunlar dəhşətdir”.
“Report” xəbər verir ki, bu fikirləri Ukraynanın “5 kanal” telekanalının əməkdaşı Yevgeniya Kitayevaya jurnalistlərlə söhbətində dilə gətirib.
"Bütün bunları öz ölkəmizdə də görmüşük, altı ildir bunları yaşayıb gəlirik. Azərbaycan xalqına möhkəm dayanmalarını arzulayıram, hər şey düzələcək. Biz də, siz də mübarizə aparırıq. Əsas odur ki, mübarizəmiz bəhrəsini versin, ölkələrimizin sərhədləri öz əlimizdə olsun”, - ukraynalı telejurnalist qeyd edib.