Ermənistan tərəfindən Azərbaycan ərazilərinə 30 mindən artıq mərmi atılıb

Sentyabrın 27-dən etibarən Ermənistan tərəfindən Azərbaycan ərazilərinə 30 mindən artıq mərmi atılıb.

"Report" xəbər verir ki, bunu Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev müharibə zamanı ermənilərin Azərbaycana vurduqları ziyanın qiymətləndirilməsinə həsr olunan mətbuat konfransında bildirib.

Onun sözlərinə görə, Ermənistan silahlı qüvvələrinin hücumları nəticəsində sentyabrın 27-dən noyabrın 10-dək 93 mülki şəxs qətlə yetirilib, 400-dən artıq şəxs yaralanıb.