Dünyanın tanınmış multikulturalizm mərkəzlərindən biri olan, Şimal ilə Cənub, Qərb və Şərq arasında körpülər qurmaq məqsədilə əlaqələrindən istifadə edən Azərbaycan COP29-da iqlimə dair müzakirələrdə nəzərəçarpacaq irəliləyişə nail olmaq üçün inklüziv müzakirələrə töhfə vermək məsələsində ideal mövqeyə malikdir.
“Report” xəbər verir ki, bu barədə Azərbaycanın xarici işlər nazirinin müavini Yalçın Rəfiyev BMT-nin İqlim Dəyişmələri üzrə Çərçivə Konvensiyasının Tərəflər Konfransının 28-ci və 29-cu sessiyalarına həsr olunmuş yüksək səviyyəli dəyirmi masada çıxışı zamanı deyib.
“COP-un sədrliyini qəbul edərkən biz sizin işinizə görə son dərəcə minnətdarıq və hamınızla möhkəm əlaqələr qurmağa sadiqik. COP28-də biz gələcək üçün böyük seçimlər etdik. Azərbaycanın COP29-a ev sahibliyi etməsi bizi şərəfləndirir və üzərimizə düşən böyük məsuliyyəti dərk edirik”, - o bildirib.
Nazir müavini vurğulayıb ki, Azərbaycan COP29 zamanı Dubayda əldə etdiyi nailiyyət gücləndirəcək və gələcək fəaliyyət üçün kollektiv çağırışlara arxalanaraq daha da irəliləyəcək.