Xalid bin Abdulla Ələbdülqadir: Azərbaycan COP29-un təşkili üçün çox səy göstərib, bunu qiymətləndirirəm

COP29-da iştirak edən nümayəndələr iqlim problemlərinin həllində qətiyyətlidirlər.

Bunu “Report”a eksklüziv açıqlamasında Bitki Örtüyünün Öyrənilməsi və Səhralaşma ilə Mübarizə üzrə Milli Mərkəzin (NCVC) baş direktoru Xalid bin Abdullah Ələbdülqadir deyib.

Onun sözlərinə görə, tədbir ən yüksək səviyyədə təşkil olunub. "Bu, çoxlu sayda iştirakçının qatıldığı çox böyük bir tədbirdir. İştirakçıların hamısı həll yollarının tapılmasına və məhsuldar əməkdaşlığa ciddi şəkildə köklənib", - baş direktor bildirib.

"Hiss olunur ki, Azərbaycan bu tədbirin təşkili üçün çox səy göstərib. Mən bunu qiymətləndirirəm", - X.Ələbdülqadir qeyd edib.