Sultan Əl-Cabir COP29 iqlim maliyyələşdirməsi üzrə icra planını müzakirə edib

BMT-nin İqlim Dəyişikliyi üzrə Çərçivə Konvensiyasının Tərəflər Konfransının 28-ci sessiyasının (COP28) Prezidenti Sultan Əl-Cabir Yaponiya parlamentində iqtisadiyyat, sənaye və ticarət nazirinin müavini Yosido Nobuhiro ilə qarşıdan gələn COP29-da iqlim maliyyələşdirməsinin artırılması üçün etibarlı icra planının zəruriliyini müzakirə edib.

“Report” xəbər verir ki, bu barədə COP28-in "X" sosial şəbəkəsindəki hesabında məlumat yayılıb.

“Əbu-Dabidə keçirilən görüşdə Sultan Əl-Cabir Yaponiyaya COP28 və BƏƏ Konsensus təşəbbüslərinə davamlı dəstəyinə görə təşəkkür edib. Onlar, həmçinin qarşıdan gələn COP29-da artan iqlim maliyyələşdirməsini həyata keçirmək üçün etibarlı və iddialı planın hazırlanmasının zəruriliyini, eləcə də COP30 üçün genişləndirilmiş Milli İqlim Öhdəliklərinin (NDCs) həyata keçirilməsini müzakirə ediblər”, - məlumatda qeyd edilib.

Xatırladaq ki, COP29 bu ilin noyabrında Azərbaycanda keçiriləcək.

COP28 President Dr. Sultan Al Jaber today met with Yoshida Nobuhiro, Japan's Parliamentary Vice-Minister of Economy, Trade, and Industry.

During the meeting in Abu Dhabi, Dr. Al Jaber thanked Japan for their continued support for COP28 initiatives and the endorsement of the UAE… pic.twitter.com/azXP3Hv316

— COP28 UAE (@COP28_UAE) April 17, 2024