Elnur Soltanov: “Təmiz enerji” ilə yemək hazırlanması həssas təbəqələri qoruyacaq”

Hazırda “təmiz enerji” ilə yemək hazırlanması ən həssas təbəqələrin qorunmasına töhfə verəcək.

“Report” xəbər verir ki, bunu COP29 çərçivəsində “Təmiz bişirmə üçün 2024-cü ili dönüş nöqtəsi etmək” mövzusunda keçirilən tədbirdə energetika nazirinin müavini, COP29-un baş icraçı direktoru Elnur Soltanov bildirib.

Onun sözlərinə görə, “təmiz enerji” ilə yemək hazırlanması ("clean cooking") irəli sürülən iqlim həlləri arasında yer alır: "Bu, çox mühüm əhəmiyyətə malik olan məsələdir - uyğunlaşma, meşələrin xilas edilməsi, ən həssas ölkələrin qorunması, belə dövlətlərdə ən həssas icmaların, ailələrin qorunması ilə bağlıdır”.