COP29-un prezidenti və UNFCCC-nin icraçı katibi iqlim dəyişikliyi ilə mübarizə strategiyalarını müzakirə ediblər

COP29-un prezidenti Muxtar Babayev BMT-nin İqlim Dəyişmələri üzrə Çərçivə Konvensiyasının (UNFCCC) icraçı katibi Saymon Stil ilə görüşüb.

“Report” xəbər verir ki, bu barədə COP29-un “X” sosial şəbəkəsindəki hesabında paylaşım edilib.

“Bu gün COP29-un prezidenti Muxtar Babayev Bonn İqlim Konfransı çərçivəsində UNFCCC-nin icraçı katibi Saymon Stil ilə səmərəli görüş keçirib. Onlar Bakıda keçiriləcək COP29 tədbiri öncəsi qlobal iqlim fəaliyyətini və əməkdaşlığı gücləndirmək üçün strategiyaları müzakirə ediblər”, - məlumatda qeyd edilib.

Xatırladaq ki, bu ilin noyabrında BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) Bakıda keçiriləcək. Bu qərar 2023-cü il dekabrın 11-də Dubayda keçirilən COP28 plenar iclasında qəbul edilib. Tədbir çərçivəsində Azərbaycanın paytaxtı 70-80 minə yaxın xarici qonaq qəbul edəcək.

Today, COP29 President-Designate Mukhtar Babayev had a productive meeting with @simonstiell, Executive Secretary @UNFCCC at #JuneClimateMeetings @UNBonn. They discussed strategies to enhance global action on #ClimateAction and cooperation ahead of #COP29 in Baku. pic.twitter.com/1rJKXH1Tsg

— COP29 AZ (@COP29_AZ) June 6, 2024