Cerard Hou: İqlim dəyişikliyi təhlükəli xəstəliklərin yayılmasına səbəb olur

İqlim dəyişikliyi təhlükəli xəstəliklərin yayılmasına səbəb olur, səhiyyə sistemlərinə yük yaradır və maliyyə dayanıqlılığını sarsıdır.

“Report” xəbər verir ki, bunu Böyük Britaniyanın Xarici İşlər, Millətlər Birliyi və İnkişaf Nazirliyinin (FCDO) adaptasiya, təbiət və xarici təsirlərə davamlılıq Departamentinin rəhbəri Cerard Hou COP29 çərçivəsində səhiyyə məsələləri üzrə yüksək səviyyəli nazirlər görüşündə bildirib.

Onun sözlərinə görə, bu cür böhranlar nəticəsində ən həssas əhali təbəqələri əziyyət çəkir: "Biz COP29 sədrinin "İqlim və sağlamlıq" həyati əhəmiyyətli koalisiyasının yaradılmasında tərəfdaşlığa sadiqliyini alqışlayırıq. Britaniya üçün bunda iştirak və onu dəstəkləmək üçün əlindən gələni etmək böyük şərəfdir".