Braziliyanın nazir müavini: COP30 COP29-da əldə edilmiş razılaşmalardan istifadə edəcək - EKSKLÜZİV

Hər COP sessiyası əvvəllər əldə edilmiş razılaşmalara əsaslanır. Braziliyada keçiriləcək COP30 da COP29-da əldə edilmiş razılaşmalardan istifadə ediləcək.

Bunu "Report"a açıqlamasında Braziliya Xarici İşlər Nazirliyinin iqlim, enerji, ətraf mühit üzrə müavini Andre Korrea do Laqo bildirib.

"Braziliya Troyka ölkələrindən biri kimi bu görüşdə (PreCop29) xüsusi rol oynayır. Birləşmiş Ərəb Əmirlikləri (BƏƏ), Azərbaycan və Braziliya indi birlikdə işləyirlər. Çünki sonuncu COP-da biz hər konfransa sıfırdan başlaya bilməyəcəyimiz qənaətinə gəldik. İndi biz Azərbaycan və BƏƏ sədrlikləri ilə fəaliyyəti sıx əlaqələndiririk. Braziliya burada Belemdə tamamlanacaq işləri hazırlamağa kömək etmək istəyən tərəfdaş kimidir", - o qeyd edib.

Nazir müavini onu da vurğulayıb ki, real iqlim tədbirləri görülsə, 1,5°C hədəfinə nail olmaq olar:

"Biz dünyanı bu hədəfə çatmağın zəruriliyinə inandırmalıyıq. İnsanları qorxutmadan inandırmaq çox çətindir, çünki qorxu işləmir. Pis vəziyyətdə olacağımızı təkrarlayaraq nəticə əldə etmədik. Buna görə də insanların çox səhv etməsinə, həll yolları da tapa biləcəklərinə əsaslanaraq elmi reallığı nikbinliklə birləşdirmək lazımdır. Ümid edirəm ki, biz Bakıda və Belemdə bu balansa nail ola biləcəyik".