“AzərEnerji” və “Schneider Electric” arasında memorandum imzalanıb

“AzərEnerji” ilə “Schneider Electric” şirkəti arasında bərpa olunan enerji mənbələrinin enerjisistemə inteqrasiyası, enerji monitorinqi, planlaşdırma və digər sahələri əhatə edən anlaşma memorandumu imzalanıb.

“Report” “AzerEnerji”yə istinadən xəbər verir ki, COP29 çərçivəsində “Schneider Electric” şirkətinin Beynəlxalq əməliyyatlar üzrə icraçı vitse-prezidenti Maniş Pant, şirkətin Türkiyə və Mərkəzi Asiya üzrə prezidenti İsmayıl Yamangil bu gün “AzərEnerji” ASC-nin “yaşıl zona”da yerləşən pavilyonunda olublar.

Daha sonra qonaqların “AzərEnerji” ASC-nin rəhbəri Baba Rzayevlə görüşü olub. Görüşdə mövcud əlaqələr və perspektiv layihələr ətrafında müzakirələr aparılıb.