ADNOC: COP29-un nəticələrinə əsasən “yaşıl maliyyə” sahəsində dəyişikliklərə ümid edirik

Əbu-Dabi Milli Neft Şirkəti (ADNOC) noyabr ayında Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) nəticələrinə əsasən “yaşıl maliyyə” sahəsində dəyişiklik görəcəyinə ümid edir.

Bu barədə "Report"a şirkətdən məlumat verilib.

“COP29 Tərəflər Konfransının son iclasında əldə edilmiş konsensusu inkişaf etdirmək üçün bir fürsətdir. Ümid edirik ki, COP29 zamanı “yaşıl maliyyə”yə ayrılmalı olan milyardlar trilyonlara çevriləcək. Bütün bu səylər 1,5 dərəcə məqsədinə çatmağa kömək edəcək”, - şirkət nümayəndəsi bildirib.

O qeyd edib ki, COP-un 29-cu sessiyası olduqca həyəcanverici perspektivdir.