Yuxarı

​"İndesit"in təsisçisi vəfat edib

Vittorio Merloni uzun sürən xəstəlikdən sonra 83 yaşında vəfat edib

Bakı. 18 iyun. REPORT.AZ/ "İndesit" şirkətinin təsisçisi və İtaliya Sənaye Konfederasiyasının (Confindustria) sabiq rəhbəri Vittorio Merloni uzun sürən xəstəlikdən sonra 83 yaşında vəfat edib.

"Report" xəbər verir ki, V.Merloni 1933-cü ildə İtaliyanın Fabriano şəhərində doğulub. O, 1975-ci ildə məişət texnikasının istehsalı ilə məşğul olan və hazırda 2005-ci ildən "İndesit" adlandırılan "Merloni Ettrodomestici" şirkətini təsis edib. 2010-cu ildə bu şirkətin prezidenti postunda onu oğlu Andrea əvəz edib.

"İndesit" öz sahəsi üzrə Avropanın iri şirkətlərdən biri sayılır. Bu brend paltaryuyan və qabyuyan maşınlar, soyuducu, soba və digər məişət texnikalarını özündə birləşdirir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi