Yuxarı

​Gömrük təmsilçiliyi sisteminin funksiyalaşdırılması mövzusunda seminar keçirilir

Cavad Qasımov: Dövlət Gömrük Komitəsi bir sıra təxirəsalınmaz tədbirlər həyata keçirir

Bakı. 7 aprel. REPORT.AZ/ Bu gün Bakıda Azərbaycanda fəaliyyət göstərən gömrük təmsilçiləri üçün “Avropa İttifaqının TAİEX aləti çərçivəsində gömrük təmsilçiliyi sisteminin funksiyalaşdırılması” mövzusunda seminar işə başlayıb. Bu barədə “Report”a DGK mətbuat xidmətindən məlumat verilib.

Dövlət Gömrük Komitəsi Gömrük Nəzarətinin Təşkili Baş İdarəsinin rəisi Cavad Qasımov çıxışında bildirib ki, dünyada gedən iqtisadi proseslər Azərbaycan iqtisadiyyatının formalaşması və inkişafında mühüm rol oynayan gömrük işinin təşkili sahəsində də yeni çağırışları ortaya qoyur və bu çağırışlara cavab olaraq Dövlət Gömrük Komitəsi bir sıra təxirəsalınmaz tədbirlər həyata keçirir.

C.Qasımov gömrük rəsmiləşdirilməsinin sürətləndirilməsi, elektron bəyannamələrin tətbiqi, qanunvericilik və digər məsələlərin müzakirə olunacağı seminarın bu baxımdan önəmini xüsusi vurğulayıb.

İki gün davam edəcək seminarda Macarıstan, Çexiya Respublikası, Polşa və Xorvatiya Respublikasından olan ekspertlər Saba Aros, Petr Şummer, Jerzi Szavinski və Zlatiça Tomaseviç “Gömrük təmsilçiliyi ilə bağlı Avropa İttifaqının qanunvericiliyi”,”Təmsilçilərin qeydiyyata alınması və lisenziya məsələləri”, “Malların sənədləşdirilməsi və bu fəaliyyətlə bağlı məsələlər”, “Gömrük təmsilçiləri və daşıyıcıların arasındakı fərq”, “Elektron bəyannamə, elektron məlumat mübadiləsi və digər İT alətlərinin tətbiqi”, Virtual təmsilçilik sistemləri” mövzularında iştirakçıları məlumatlandıracaqlar. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi