Yuxarı

​Bakıda Azərbaycan-İran iqtisadi əlaqələri müzakirə edilib

İranın rabitə və informasiya texnologiyaları naziri Mahmud Vaezi Azərbaycanda işgüzar səfərdədir

Bakı. 2 avqust. REPORT.AZ/ İran İslam Respublikasının Prezidenti Həsən Ruhaninin Azərbaycana səfərinə hazırlıq məqsədilə İranın rabitə və informasiya texnologiyaları naziri Mahmud Vaezi Azərbaycanda işgüzar səfərdədir.

"Report" İqtisadiyyat Nazirliyinə istinadən xəbər verir ki, bu gün iqtisadiyyat naziri Şahin Mustafayev İranın rabitə və informasiya texnologiyaları naziri Mahmud Vaezi ilə görüşüb.

Görüşdə iki ölkə arasında əməkdaşlığa dair saziş layihələrinə, eləcə də Azərbaycan və İran arasında həyata keçirilən mühüm layihələrə, o cümlədən Şimal-Cənub Beynəlxalq Nəqliyyat Dəhlizinə, neft-qaz, energetika, gömrük işi, kənd təsərrüfatı, səhiyyə, turizm, investisiya əməkdaşlığına, habelə əczaçılıq, minik avtomobillərinin və ehtiyat hissələrinin birgə istehsalı layihələrinə dair müzakirələr aparılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi