Yuxarı

Azərbaycanın Ukraynada Ticarət Evi gələn ilin əvvəlində fəaliyyətə başlayacaq

Azərbaycanın Ukraynada Ticarət Evi gələn ilin əvvəlində fəaliyyətə başlayacaq
Şahin Mustafayev: İki ölkə arasında ticarət sahəsində əlaqələr inkişaf edir
© Report — Iqtisadiyyat naziri Şahin Mustafayev

Bakı. 20 oktyabr. REPORT.AZ/ Azərbaycanın Ukraynada Ticarət Evi bu ilin sonu və ya gələn ilin əvvəlində fəaliyyətə başlayacaq. 

"Report" xəbər verir ki, bunu Bakıda keçirilən Azərbaycan-Ukrayna işgüzar görüşündə iqtisadiyyat naziri Şahin Mustafayev deyib. Onun sözlərinə görə, Azərbaycan Ticarət Evinin hüquqi məsələləri öz həllini tapıb, hazırda yeri dəqiqləşdirilir.

"İki ölkə arasında ticarət sahəsində əlaqələr inkişaf edir. Ukraynada Azərbaycana məxsus 60 yanacaqdoldurma məntəqəsi fəaliyyət göstərir",- deyə nazir bildirib.

Ş.Mustafayev əlavə edib ki, Azərbaycanda 116 Ukrayna şirkəti fəaliyyət göstərir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi