Yuxarı
    Bağlamaq

    Azərbaycanda daha 26 dövlət əmlakı özəlləşdirilib

    ƏMDK tərəfindən növbəti hərrac dekabrın 20-də keçiriləcək

    Bakı. 13 dekabr. REPORT.AZ/ Əmlak Məsələləri Dövlət Komitəsi (ƏMDK) bu gün dövlət mülkiyyətində olan əmlakın özəlləşdirilməsi üzrə növbəti hərrac keçirib.

    Komitədən "Report"a verilən xəbərə görə, hərracda ümumilikdə 26 dövlət əmlakı olmaqla, 7 kiçik dövlət müəssisə və obyekti, 7 istifadəsiz qeyri-yaşayış sahəsi, 11 nəqliyyat vasitəsi və 1 yarımçıq tikili özəlləşdirilib. Budəfəki özəlləşdirmədən dövlət büdcəsinə 4,3 mln. manat vəsaitin köçürülməsi təmin ediləcək.

    Hərracda özəlləşdirilən kiçik dövlət müəssisələrinin 1-i Bakıda, 3-ü Gəncədə, 2-si Şəkidə, 1-i Zaqatalada, qeyri-yaşayış sahələrinin 2-si paytaxtda, 2-si Sumqayıtda, 2-si Göyçayda, 1-i Ağdaşda, 1 yarımçıq tikili isə Füzulidə yerləşir. Hərracda paytaxtın Səbail rayonunda yerləşən 59 saylı mağaza 60 min manata, Gəncə şəhərində yerləşən 65 saylı və 39 saylı mağazalar müvafiq olaraq 55 min və 40 min manata özəlləşdirilib.

    Qeyd edək ki, ƏMDK tərəfindən növbəti hərrac dekabrın 20-də keçiriləcək. Bu hərraca çıxarılan 84 əmlakdan 23-ü səhmdar cəmiyyəti, 26-sı kiçik dövlət müəssisə və obyekti, 32-si istifadəsiz qeyri-yaşayış sahəsi və 3 nəqliyyat vasitəsidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi