Yevlax Pilot Aqroparkda yeni rezidentlər qeydə alınıb

İqtisadiyyat Nazirliyinin tabeliyində İqtisadi Zonaların İnkişafı Agentliyinin idarəçiliyində olan Yevlax Pilot Aqroparkda “Yard Agro” MMC və fərdi sahibkar Vüqar Novruzova rezident statusu verilib.

“Report”un nazirliyə istinadən verdiyi məlumata görə, bununla da aqroparkda rezident sayı 33-ə çatıb.

Yeni rezidentlər tərəfindən 57,7 hektar sahədə investisiya həcmi 781 min manat olan intensiv meyvə bağları salınacaq, 16 nəfər daimi, 125 nəfər isə mövsümi işlə təmin ediləcək.

Ümumilikdə isə Yevlax Pilot Aqroparkın qeydiyyata alınmış yeni rezidentləri tərəfindən 141 nəfər işlə təmin ediləcək.