Ukraynalı sahibkarların Azərbaycana səfəri çərçivəsində bu gün Azərbaycan -Ukrayna İşgüzar Şurasının növbəti biznes-görüşü baş tutub.
Bu barədə “Report” Ukraynanın Azərbaycandakı səfirliyinə istinadən xəbər verir .
Məlumata görə, bugünkü tədbirdə əsas diqqət aqrosənaye kompleksinin, meliorasiya, infrastruktur obyektlərinin tikintisi və energetika sahələrində ikitərəfli əməkdaşlığın inkişafı məsələlərinə yönəlib. Görüş gedişatında, həmçinin, Azərbaycanın işğaldan azad edilmiş ərazilərinin yenidən qurulması və infrastrukturunun inkişafı ilə bağlı təkliflər də müzakirə olunub.
Ukraynalı sahibkarların Azərbaycana səfərinin məqsədi həm də Azərbaycan biznes assosiasiyalarının və dövlət orqanlarının nümayəndələri ilə ayrı-ayrılıqda görüşlərin keçirilməsi olub.