Türkiyənin Xarici İqtisadi Əlaqələr Qurumundan "Gömrükdə endirim" təklifi

"Azərbaycan ilə Türkiyə arasında iqtisadi əlaqələri daha da inkişaf etdirməliyik".

“Report” xəbər verir ki, bunu Türkiyənin Xarici İqtisadi Əlaqələr Qurumunun rəhbəri Nail Olpak Ankarada keçirilən Türkiyə-Azərbaycan iş adamları forumunda çıxışı zamanı bildirib.

"İqtisadi əlaqələri daha da inkişaf etdirmək üçün bir sıra vacib məqamlar var. Preferensial Ticarət Sazişinin qüvvəyə minməsindən sonra onun genişləndirilməsi istiqamətində iş aparılır. Bu, çox mühüm məqamdır. Türkiyə Azərbaycan və Gürcüstanda biznes forumlar keçirmişdi, bu cür forumların yenə keçirilməsi bizim üçün vacibdir. Müxtəlif sahələrdə əməkdaşlıq üçün prespektivlər var. Milli valyuta ilə ticarət aparılması çox mühüm məsələdir. Bir başqa gömrük məsələsində endirimlərin tətbiqi vacibdir”, - o qeyd edib.