Türkiyənin ticarət naziri Şəhidlər xiyabanını və Fəxri xiyabanı ziyarət edib

Azərbaycanda səfərdə olan Türkiyənin ticarət naziri Ömər Bolat Şəhidlər xiyabanını ziyarət edib.

"Report"un məlumatına görə, o, daha sonra "Türk şəhidliyi" abidəsinə baş çəkib, ardınca isə Fəxri Xiyabanda Ümummilli Lider Heydər Əliyevin məzarını ziyarət edib.

Xatırladaq ki, Ö.Bolat Bakıda keçirilən, Ümummilli Lider Heydər Əliyevin və Türkiyə Cümhuriyyətinin 100 illiyinə həsr edilmiş Azərbaycan-Türkiyə İnvestisiya Forumunda iştirak etmək üçün ölkəmizə gəlib.