Bakı 16° C
Türkiyənin Azərbaycana ixracı 7 % artıb
- 04 avqust, 2022
- 07:33
Yeniliklərdən dərhal xəbərdar olun!
Bu ilin iyul ayında Türkiyənin Azərbaycana ixracının dəyəri 151,321 milyon ABŞ dolları təşkil edib.
“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrünə nisbətən 6,7 % çoxdur.
Yanvar-iyul aylarında isə Azərbaycan qonşu ölkədən 1 milyard 193,462 milyon ABŞ dollarlıq əmtəə və xidmət idxal edib. Bu isə illik müqayisədə 7,2 % çoxdur.
7 ay ərzində Türkiyədən ən çox ixrac 11 milyard 122 milyon ABŞ dolları olmaqla Almaniyaya (12,4 % çox), 8 milyard 485 milyon ABŞ dolları olmaqla ABŞ-a (24,6 % çox) və 7 milyard 109 milyon ABŞ dolları olmaqla Böyük Britaniyaya (2,4 % çox) həyata keçirilib. Son 1 ildə qonşu ölkənin ixracının dəyəri 17,9 % artaraq 130 milyard 437 milyon ABŞ dollara çatıb.
Müəllif
