Türkiyə Azərbaycana qoyun ixracını 5 dəfə artırıb

Bu ilin I yarısında Azərbaycan xaricdən 3,1 milyon ABŞ dolları dəyərində 29 min 269 ədəd diri qoyun alıb.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 22 %, kəmiyyət olaraq – 2,7 % çoxdur.

Hesabat dövründə Gürcüstandan 1,5 milyon ABŞ dolları dəyərində (bir il əvvəlki göstərici ilə müqayisədə 27 % artıb) 17 min 695 ədəd (+44,2 %), Rusiyadan 791 min ABŞ dolları dəyərində (-27,7 %) 9 min 537 ədəd (-33,6 %) və Türkiyədən 869 min ABŞ dolları dəyərində (+4,2 dəfə) 2 min 037 ədəd (+5 dəfə) heyvan alınıb.

Ötən il xaricdən aldığımız 117 min 574 ədəd diri qoyunun 56 % -i Gürcüstanın payına düşüb.