Türkiyə Azərbaycana ixracını fevralda 31% artırıb

Bu ilin fevral ayında Azərbaycanın Türkiyədən idxalının dəyəri 169,7 milyon ABŞ dolları təşkil edib ki, bu da ötən ilin eyni dövrü ilə müqayisədə 30,5% çoxdur.

“Report” “Anadolu” Agentliyinə istinadən xəbər verir ki, bu barədə Türkiyə İxracatçılar Məclisinin (TİM) məlumat yayıb.

Məlumata görə, 2022-ci ilin yanvar-fevral aylarında isə Türkiyənin Azərbaycana ixracının dəyəri 308,6 milyon dollar olub ki, bu da 1 il əvvələ nisbətən 7,3 % çoxdur.

Türkiyənin ümumi ixracının dəyəri ötən ay 18 267 milyon dollar (26,1% çox), 2 ay ərzində isə 34 441 milyon dollar (23,1% çox) təşkil edib. Qonşu ölkə məhsullarının əsas idxalçıları Almaniyaya (3 130 milyon dollar), ABŞ (2 207 milyon dollar), Böyük Britaniya (1 957 milyon dollar) və İtaliya (1 938 milyon dollar) olub.