Slovakiya rəsmisi: "Azərbaycanla biznes əlaqələrini genişləndirməkdə maraqlıyıq"

Slovakiya Azərbaycanla biznes əlaqələrini genişləndirməkdə, yeni əməkdaşlıqlar qurmaqda maraqlıdır.

"Report" xəbər verir ki, bunu Slovakiyanın iqtisadiyyat nazirinin müavini Kamil Sasko Bakıda keçirilən Azərbaycan-Slovakiya biznes forumda bildirib.

"Bugünki tədbirdə müxtəlif sahələrdə fəaliyyət göstərən 16 Slovakiya şirkəti iştirak edir. Bizim biznes missiyamızın aydın məqsədləri var. Biznes forum çərçivəsində Slovakiyanın biznes imkanları təqdim ediləcək. Tədbir yeni əməkdaşlıq imkanları yaradır", - deyə o qeyd edib.