Nazir: "Bu yaxınlarda Satınalmalar üzrə Elektron Portal fəaliyyətə başlayacaq"

Bakı. 18 fevral. REPORT.AZ/ “Satınalmalarda tam şəffaflıq təmin ediləcək”.

“Report” xəbər verir ki, bunu iqtisadiyyat naziri Şahin Mustafayev bildirib.

O deyib ki, bu yaxınlarda Satınalmalar üzrə Elektron Portal fəaliyyətə başlayacaq: “Elektron portal vasitəsilə həyata keçirilən satınalmalarda tam şəffaflıq təmin ediləcək. Eyni zamanda kiçik və orta sahibkarlıqla bağlı qanunvericilikdə dəyişiklik edilib. Belə ki, 3 mln. dollaradək olan satınalmalarda mütləq kiçik və orta biznes subyektlərinin iştirakı təmin edilməlidir”.