Ötən il işğaldan azad olunmuş ərazilərdə həyata keçirilməsi üçün Azərbaycanın kommersiya banklarından 3 layihə üzrə Sahibkarlığın İnkişafı Fonduna (SİF) müraciət daxil olub.
"Report" xəbər verir ki, bunu İqtisadiyyat Nazirliyinin tabeliyində fəaliyyət göstərən Sahibkarlığın İnkişaf Fondunun İdarə Heyətinin sədri Osman Xaliyev SİF-ın 2022-ci ilin nəticələrinə dair mətbuat konfransında deyib.
"Müraciətlər sənaye istehsalı, yeyinti sənayesi və kənd təsərrüfatı sahələrini əhatə edib. Bu il də Qarabağda sahibkarlıq fəaliyyəti ilə məşğul olmaq istəyən sahibkarlar üçün güzəştli kreditlər nəzərdə tutulub" , - deyə O.Xaliyev bildirib.