Rusiyanın xarici ticarət dövriyyəsinin müsbət saldosu 56% artıb

Bakı. 7 sentyabr. REPORT.AZ/ Bu ilin yanvar-iyul aylarında Rusiyanın xarici ticarət dövriyyəsinin müsbət saldosu 112,2 mlrd. ABŞ dolları təşkil edib ki, bu da illik müqayisədə 40 mlrd. dollar və yaxud 55,5% çoxdur. 

“Report” bu barədə Rusiyanın Gömrük Xidmətinə istinadən xəbər verir.

Məlumata görə, 7 ay ərzində qonşu ölkənin ixracı 27,9% artaraq 249,1 mlrd. dollara, idxalı isə 11,8% artaraq 136,9 mlrd. dollara çatıb.