Rusiyanın Federal Antiinhisar Xidmətinin rəhbəri: "Ölkə iqtisadiyyatı bəzi regionlarda yarıfeodal vəziyyətdədir"

Bakı. 25 sentyabr. REPORT.AZ/ Rusiyanın Federal Antiinhisar Xidmətinin rəhbəri İqor Artyemyev elan edib ki, ölkə iqtisadiyyatı bir çox sahələrdə geridə qalır, bəzi regionlarda isə yarıfeodal vəziyyətdədir. 

“Report” bu barədə “Kommersant” nəşrinə istinadən xəbər verir.

“Bəzi regionlarımızda rəqabət hiss olunmur” - deyə o qeyd edib. 

İ.Artyemyev bu barədə rəqabətin formalaşması üçün milli planın qəbul edilməsinin hədəfləri barədə sualı cavablandırarkən deyib. Hökumət rəsmisi ümid etdiyini bildirib ki, Rusiyada da Cənubi Koreya və Yaponiyada olduğu kimi, inhisarçılıq ləğv ediləcək və bununla da milli iqtisadiyyata böyük təkan veriləcək.