Bakı. 25 aprel. REPORT.AZ/ İyunun 10-da, saat 11:00-da “Quba Məişət Xidməti” ASC-nin səhmdarlarının növbəti ümumi yığıncağı keçiriləcək.
“Report” xəbər verir ki, yığıncaq Cəmiyyətin yerləşdiyi Quba şəhər bazarında olacaq.
Yığıncağın gündəliyinə Cəmiyyətin 2016-cı il üzrə maliyyə hesabatının təsdiq edilməsi, yeni nizamnamənin qəbul olunması, idarəetmə orqanlarının yenidən formalaşdırılması və digər məsələlər daxildir.
Xatırladaq ki, “Quba Məişət Xidməti” ASC 1997-ci ildə yaradılıb. Onun nizamnamə kapitalı 37753,20 manatdır.