Qazaxıstan Azərbaycana qarabaşaq ixracını bərpa edib

2022-ci ilin yanvar-fevral aylarında Azərbaycan 2,19 milyon ABŞ dolları dəyərində 2 min 163 ton qarabaşaq idxal edib.

“Report”un Dövlət Statistika Komitəsinin məlumatları əsasında apardığı hesablamalara əsasən, bu, ötən ilin eyni dövrü ilə müqayisədə dəyər ifadəsində 2,7 min dəfə, kəmiyyət olaraq – 6,18 min dəfə çoxdur.

Hesabat dövründə Rusiyadan 2,14 milyon ABŞ dolları dəyərində 2 min 118 ton, Qazaxıstandan 49,5 min ABŞ dolları dəyərində 45 ton, Almaniyadan 0,17 min ABŞ dolları dəyərində 0,05 ton məhsul alınıb.

Bir il əvvəlki göstəricilərlə müqayisədə Almaniyadan idxal müvafiq olaraq 70 % və 66,6 % artıb. Ötən ilin ilk iki ayında Azərbaycan Rusiyadan qarabaşaq almayıb. İki il 4 aylıq fasilənin ardından Qazaxıstandan tədarük bərpa edilib.