Pirallahı Sənaye Parkında zəfəran istehsal edən şirkət möhürünü itirib

İqtisadiyyat Nazirliyinə məxsus Pirallahı Sənaye Parkının rezidenti "Absheron Saffron LTD" MMC-nin möhürü itib.

“Report” bu barədə nazirlik yanında Dövlət Vergi Xidmətinin "Vergilər" qəzetinə istinadən xəbər verir.

Məlumatda deyilir ki, möhür itdiyi üçün etibarsız sayılır.

Xatırladaq ki, "Absheron Saffron LTD" 2016-cı ildə yaradılıb. Onun nizamnamə kapitalı 180 400 manatdır. Şirkət Pirallahıda Türkiyə və İtaliya texnologiyaları əsasında quru zəfəran, zəfəran mürəbbəsi və zəfəran limonadı istehsal edir.