Paytaxtda ticarət dövriyyəsinin həcmi bir ildə 4 %-dən çox artıb

2021-ci il ərzində Bakı şəhərində ticarət dövriyyəsinin həcmi 2020-ci illə müqayisədə 4,2 % artaraq 25 milyard 648,9 milyon manat olub.

Bu barədə “Report” Bakı şəhər Statistika İdarəsinə istinadən xəbər verir.

Məlumata görə, ticarət şəbəkəsində satılmış ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 5,2 % artaraq 13 milyard 388,5 milyon manata, qeyri-ərzaq məhsullarının həcmi isə 3,4 % artaraq 12 milyard 260,4 milyon manata bərabər olub.

İstehlak məhsullarının 34 %-i hüquqi şəxs statuslu müəssisələrdə, 50,6 %-i fərdi sahibkarlara məxsus ticarət obyektlərində, 15,4 %-i isə paytaxtın məhsul bazarlarında satılıb.