Bu il Bakıda inşaat işlərinin 91 %-ini özəl tikinti müəssisələri yerinə yetiriblər

Bu ilin yanvar-may aylarında Bakıda tikinti müəssisələri tərəfindən yerinə yetirilmiş ümumi inşaat işlərinin 90,9 %-ini qeyri-dövlət tikinti müəssisələri yerinə yetiriblər.

Bu barədə “Report” Bakı şəhər Statistika İdarəsinə istinadən xəbər verir.

Məlumata görə, bu ilin ilk 5 ayında paytaxtın tikinti müəssisələri tərəfindən yerinə yetirilmiş inşaat işlərinin 81,2 %-ini tikinti, yenidənqurma və genişləndirmə, 5,8 %-ini əsaslı təmir, 8,1 %-ini cari təmir, 4,9 %-ini isə sair tikinti işləri təşkil edib.

Xatırladaq ki, bu ilin yanvar-may aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 5 milyard 858,2 milyon manat və ya 2022-ci il ilin müvafiq dövrü ilə müqayisədə 15,9 % çox vəsait yönəldilib.