Paytaxtda ödənişli xidmətlərin dəyəri 8 % artıb

Bu ilin yanvar-iyun aylarında Bakıda əhaliyə göstərilən ödənişli xidmətlərin dəyəri 2021-ci ilin müvafiq dövrü ilə müqayisədə real ifadədə 8 % artaraq 2 milyard 495,9 milyon manat olub.

Bu barədə “Report”a Bakı şəhər Statistika İdarəsindən məlumat verilib.

Bildirilib ki, hüquqi şəxslər tərəfindən əhaliyə 2 milyard 404,8 milyon manatlıq xidmət göstərilib ki, bu da xidmətlərin ümumi dəyərinin 96,4 %-ini təşkil edib.

Qeyd edək ki, bu ilin yanvar-iyun aylarında Azərbaycanda əhaliyə göstərilən ödənişli xidmətlərin dəyəri 2021-ci ilin müvafiq dövrü ilə müqayisədə real ifadədə 7,4 % artaraq 4 milyard 189,6 milyon manat olub.