Paytaxtda ictimai iaşə dövriyyəsi 44 %-dən çox artıb

2022-ci ildə Bakıda ictimai iaşə dövriyyəsinin həcmi 2021-ci illə müqayisədə real ifadədə 44,2 % artaraq 1 milyard 96,6 milyon manat təşkil edib.

Bu barədə “Report”a Bakı şəhər Statistika İdarəsindən məlumat verilib.

Bildirilib ki, hüquqi şəxslər tərəfindən ictimai iaşə dövriyyəsi 617,7 milyon manat olub. Bu da ümumi dövriyyənin 56,3 %-ini təşkil edib.

Xatırladaq ki, 2022-ci ildə Azərbaycanda ictimai iaşə dövriyyəsi ötən ilin müvafiq dövrü ilə müqayisədə real ifadədə 37 % artaraq 1 milyard 586 milyon manat olub. Məlumata görə, özəl sektorda ictimai iaşə dövriyyəsinin 49,6 %-i hüquqi şəxslərin, 50,4 %-i isə bu sahədə sahibkarlıq fəaliyyəti ilə məşğul olan fiziki şəxslərin payına düşür.