Naxçıvanın xarici ticarət dövriyyəsi 3% azalıb

Bu ilin yanvar ayında Naxçıvan MR xarici ölkələrlə 31,918 milyon ABŞ dolları dəyərində ticarət əməliyyatı aparıb.

“Report” yerli Dövlət Statistika Komitəsinə istinadən xəbər verir ki, bu, ötən ilin eyni dövrünə nisbətən 2,8% azdır.

Son 1 ildə muxtar respublikanın ixracının dəyəri 0,5% artaraq 24,166 milyon ABŞ dolları, idxalının dəyəri isə 11,7% artaraq 7,752 milyon ABŞ dolları olub.

Son nəticədə ötən ay xarici ticarətdə 16,414 milyon dollarlıq müsbət saldo yaranıb ki, bu da illik müqayisədə 7,5% çoxdur.