Naxçıvanda yeni verilən "ASAN İmza" sertifikatlarının sayı 20 %-dən çox azalıb

2024-cü ildə Naxçıvan Muxtar Respublikasında 10 098 "ASAN İmza" sertifikatı verilib.

"Report" bu barədə İqtisadiyyat Nazirliyi yanında Dövlət Vergi Xidmətinə istinadən xəbər verir.

Məlumata görə, bu, 2023-cü illə müqayisədə 20,4 % azdır.

Hesabat dövründə "ASAN İmza" 5 750 müraciət üzrə təqdim olunub ki, bu da 1 il əvvələ nisbətən 19 % azdır.

Bundan başqa, ötən il vergi ödəyicilərinə 676 182 məlumatlandırma xarakterli müxtəlif növ bildiriş (məktub) göndərilib. Dövr ərzində vergi ödəyiciləri ilə 97 görüş keçirilib, 687 sayda ünvanlı xidmət göstərilib.